АСТАНА ҚАЛАСЫНЫҢ БАС ИМАМЫ «ТАЗА ҚАЗАҚСТАН» АКЦИЯСЫНА ҚАТЫСТЫ (ФОТО)

Астана қаласында «Таза Қазақстан» акциясы аясында жалпыхалықтық сенбілік өтті. Сенат төрағасы Мәулен Әшімбаев бастаған бір топ депутат Бейбітшілік және келісім саябағына ағаш екті. Аталмыш іс-шараға Астана қаласының бас имамы Ерболат Жүсіп арнайы қатысты.

Сондай-ақ, сенбілікке басқа да діни бірлестіктер өкілдері, Мәдениет және ақпарат министрлігінің мамандары қатысты. «Таза Қазақстан» акциясына 200-ден астам адам атсалысып, тазалық жұмыстарын жүргізді. Сенат Төрағасы саябақтағы орталық инсталляцияда жүріп жатқан жұмыстардың барысымен танысты. Демалыс орны биыл Астанада өтетін «Діндер диалогы: болашақ жолындағы синергия» атты Әлемдік және дәстүрлі діндер көшбасшыларының VIII съезі аясында ашылады.