JASTAR ISI SEKTORY: BABABALAR RÝHYNA QURAN HATYM DUǴASY JASALDY (FOTO)

Astana qalasyndaǵy «Yryskeldi qajy» meshitinde Jastar isi sektorynyń uıymdastyrýymen jeńistiń 80 jyldyǵyna oraı rýhanı shara ótti.

Is-shara barysynda Otan úshin janyn qıǵan ata-babalarymyzdyń rýhyna Quran baǵyshtalyp, olardyń erlik isteri jamaǵatqa keńinen baıandaldy.

Rýhanı basqosýdyń basty maqsaty – otandy, týǵan jerdi súıýdiń mańyzyn jastardyń sanasyna sińirý, Otan qorǵaýdaǵy ata-babalarymyzdyń janqııarlyq erligin úlgi etý jáne búgingi beıbit ómirdiń qadirin uǵyndyrý.

Is-shara barysynda meshittiń naıb ımamdary men Jastar sektorynyń ókilderi sóz sóılep, surapyl soǵystyń aýyrtpalyǵyn, sol jyldardaǵy musylman jaýyngerlerdiń erligi men rýhyn atap ótti. Sonymen qatar, jınalǵan jamaǵatqa jeńistiń artynda qanshama qaısarlyq pen kóz jasy jatqanyn eske saldy.

Jıyn sońynda barlyq sheıit bolǵan ardagerlerdiń rýhyna arnap Quran hatym baǵyshtalyp, duǵa jasaldy. Jamaǵat sharadan rýhanı áser alyp, osyndaı tárbıelik máni joǵary kezdesýlerdiń jıi ótkizilip turýyn qoldaıtyndaryn bildirdi.