JASTAR ISI SEKTORY: «ÁL-ǴANI» MEShITI BALALARǴA QÝANYSh SYILADY (FOTO)

Astana qalasyndaǵy «Ál-Ǵanı» meshitiniń Din men dástúr baǵyty jáne Jastar isi sektoryna jaýapty mamandardyń uıymdastyrýymen Qurban aıt merekesine oraı balalarǵa qýanysh syılaý maqsatynda is-shara ótti.

Balalarǵa balmuzdaq syıǵa tartyp, balanyń shynaıy kúlkisimen rızashylyǵyn kórý kózdeldi. Adam ómirindegi shynaılyqtyń sımvoly, balalyq shaqta ár bala baqytty bolýǵa laıyqty. Qazaq halqynda ejelden bala tárbıesine jiti mán berip, balany bes jasqa deıin hanyndaı syılap bar qamqorlyǵyna alǵan. Al, dinimizde de balalarǵa meırimdilik kórsetige shaqyrady.

Qurban aıt – tek qurban shalýmen shektelmeıtin, adamdar arasyndaǵy meıirimdilik pen janashyrlyqty arttyratyn erekshe meıram. Bul kúnderi úlkenge qurmet, kishige izet kórsetý – ıslamnyń kórkem úlgisi sanalady. Ásirese, balalarǵa qýanysh syılaý, olardyń júregine jylýlyq uıalatý – Qurban aıttyń rýhanı mánin tereńdete túsedi. Osylar arqyly bala sanasyna ımandylyq, izgilik, qamqorlyq sekildi qasıetter sińiriledi.