«YRYSKELDI QAJY» MEShITINDE JASTARǴA «IHSAN – RÝHANI TÁRBIE NEGIZI» KITABY TANYSTYRYLDY (FOTO)

Astana qalasyndaǵy «Yryskeldi qajy» meshitinde Jastar sektorynyń uıymdastyrýymen jastar arasynda rýhanı qundylyqtardy nasıhattaý maqsatynda «Ihsan – rýhanı tárbıe negizi» atty kitaptyń tanystyrylymy ótti.

Shara barysynda meshittiń naıb ımamy Rashıd Alpysbaev jastarǵa atalmysh eńbektiń mazmuny men máni jóninde jan-jaqty túsindirip, ıhsan ilimine qatysty taǵylymdy oılarymen bólisti. Sonymen qatar, kitaptaǵy negizgi bólimder men ǵıbratty tustar talqylanyp, qazirgi qoǵamdaǵy rýhanı tárbıeniń mańyzdylyǵy sóz boldy.

Aıta keteıik, «Ihsan – rýhanı tárbıe negizi» kitaby Qazaqstan musylmandary dinı basqarmasynyń bastamasymen jaryq kórip, el ımamdary men ustazdaryna, jalpy jamaǵatqa arnalǵan qundy ádistemelik qural bolyp tabylady.