SYǴANAQI INSTITÝTYNYŃ ALǴAShQY TÚLEKTERINE KÝÁLIK TABYSTALDY

Astana qalasynda Hýsamýddın as-Syǵanaqı atyndaǵy ıslam ınstıtýtynyń alǵashqy túlekterine arnalǵan saltanatty kýálik tabystaý rásimi ótti. Qazaqstan musylmandary dinı basqarmasyna qarasty bul oqý orny úsh jyl buryn irgetasyn qalap, búgin alǵashqy jemisin berip otyr.

Sharaǵa Bas múftı Naýryzbaı qajy Taǵanuly, memleket jáne qoǵam qaıratkerleri, Túrkııa men Mysyr elshilikteriniń ókilderi, sondaı-aq, zııaly qaýym, elimizdegi belgili dintanýshylar men ustazdar qatysyp, túlekterge jyly lebizderin bildirdi.

«Búgin – biz úshin erekshe qýanyshty ári tarıhı kún. Osydan 3 jyl buryn ımamdarǵa tereń bilim berý, klassıkalyq eńbekterdi oqytý, arab tilin jetik meńgerýge yqpal etý jáne dinı máselelerdi túsindirý qabiletin damytý maqsatynda Hýsamýddın as-Syǵanaqı atyndaǵy Islam ınstıtýtyn ashqan edik.
 
Allaǵa shúkir, «Islam ilimderi» baǵyty boıynsha tereń bilim alǵan ınstıtýttyń tuńǵysh túlekteri ózderine tıesili kýálikti alǵaly otyr. Instıtýt janynan ashylǵan «Ijaza» ortalyǵynda tálim alǵan qarılardyń úshinshi tobyna da arnaıy kýálikti tabystaımyz. Alla Taǵala alǵan bilimderińizdiń ıgiligin kórýdi jazsyn» – dedi saltanatty sharada sóz alǵan QMDB Tóraǵasy.

Saltanatty shara barysynda tek negizgi baǵytty támamdaǵan túlekterge ǵana emes, ınstıtýt janyndaǵy «Ijaza» ortalyǵynda bilim alǵan qarılarǵa da arnaıy kýálikter tabystaldy. Bul shákirtter Quran Kárimdi tolyq jattap, qyraǵat iliminen tıisti synaqtardan sátti ótken.

Kýálik alǵan túlekter:
– Nurbol Ádilmuratuly
– Aqpanov Erǵazy Ómirhanuly
– Daýylbaev Qanat Qalıollauly
– Jumashev Serik Qaıratuly
– Aqjol Isabekuly
– Qydyrhan Medet Serikqazyuly
– Myrzaǵalıev Ańsaǵan Qaıratuly
– Naıma Arman Aıdarǵazyuly
– Eráli Otarbekuly
– Sarsenǵalıev Maqsat Sálimuly
– Sydyqov Nurbolat Ábjapparuly
– Temirhanov Asylhan Nurtaıuly
– Ábdiqul Ǵazız Asanuly
– Ernar Salamatuly

Quran ıjazasy berilgen qarılar:
– Abdiǵamıd Osman Abzaluly
– Ahmet Serik Polathanuly
– Áýeshan Nurbolat Nurbekuly
– Daýken Qaıyrbaı
– Jaqsylyq Erkebulan Serjanuly
– Ismaılı Azamjan Iahıahojauly
– Sadyrhan Jumanazar Ýserhanuly
– Salımbek Omar Saıfýdınuly
– Sqaqov Omar Asanuly
– Nurbaqyt Shaımardaruly
– Shaýdyrbaı Erbolat Ergeshuly
– Iatımov Mehrodjıddın Haırıddınuly

Bul – Qazaqstanda dinı bilim berýdiń jańa kezeńge aıaq basqanyn bildiretin mańyzdy qadam. Instıtýt túlekteri – elimizdegi meshitter men medreselerde, dinı-aǵartý salalarynda qyzmet etetin bolady.

Aıtýly shara sońynda QMDB Tóraǵasy ınstıtýt ustazdaryna alǵys hat tabystap, syı-sııapat jasady.

​