«ShEIH KÝNTA QAJY» MEShITINE NAIB IMAM TAǴAIYNDALDY (FOTO)

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń buıryǵymen Astana qalasy ókildigine qarasty «Sheıh Kýnta qajy» meshitine jańa naıb ımam taǵaıyndaldy.

Jańa taǵaıyndaý týraly buıryq juma namazyna jınalǵan jamaǵatqa resmı túrde jarııa etildi. «Áziret Sultan» meshitiniń naıb ımamy Zakır Sanhý Bas múftıdiń buıryǵyn oqyp, Toqtar Shekerbekulyn jańa qyzmetimen tanystyrdy. Ol óz sózinde bul taǵaıyndaýdyń meshit jumysyna tyń serpin beretinin atap ótip, jańa naıb ımamǵa jaýapty qyzmetinde tabys tiledi.

Jınalǵan jamaǵat jańa naıb ımamdy qýanyshpen qarsy alyp, aq tilegin jaýdyrdy. Qaýym ókilderi Toqtar Shekerbekulyna Alladan jarylqaý tilep, el men din jolyndaǵy qyzmetine bereke, sabyr men salıqalylyq tiledi. Aqsaqaldar ımamǵa aq batasyn berip, din nasıhaty men meshit jumysynyń júıeli damýyna sáttilik tiledi.

Baıdildaev Toqtar Shekerbekuly – din salasynda tájirıbesi mol, túrli deńgeıdegi dinı oqý oryndaryn támamdaǵan, birneshe óńirde ımamdyq qyzmet atqarǵan ustaz. Ol buǵan deıin atqarǵan qyzmetterinde jamaǵatpen etene aralasyp, jastar tárbıesine, dinı saýattylyqty arttyrýǵa, izgilik pen rýhanı qundylyqtardy nasıhattaýǵa erekshe kóńil bólgen.