ShÁKIRTTER MEN BALALAR ÚIINDEGI JASÓSPIRIMDERGE AZYQ-TÚLIK ÚLESTIRILDI (FOTO)

QMDB «Ýaqyp» qorynyń uıymdastyrýymen «Hýsamýddın as-Syǵanaqı» atyndaǵy ıslam ınstıtýtynda bilim alyp jatqan shákirtter men asyraýshysynan aıyrylǵan, Balalar úıinde tárbıelenip jatqan jasóspirimderge bir aıǵa jetkilikti azyq-túlik jetkizildi.

Igi is-sharaǵa QMDB «Ýaqyp» qorynyń basqarma Tóraǵasy Azamat Abdikerimuly jáne «Ýaqyp» qorynyń Astana qalasy boıynsha jaýapty ókili Nurbol Orazbaı men eriktiler qatysty.

«Allanyń qalaýymen jáne demeýshi azamattardyń qoldaýymen qaıyrymdylyq sharalaryn jalǵastyryp kelemiz. Maqsatymyz – materıaldyq kómek kórsetý ǵana emes, sonymen qatar jastarǵa rýhanı demeý berip, olardy shynaıy janashyrlyqpen qoldaý», dep atap ótti uıymdastyrýshylar.

Igi iske atsalysqan jomart jandarǵa alǵys bildirilip, jas býynnyń taǵdyryna beıjaı qaramaı, izgi amalmen úlgi bolǵan azamattarǵa jamaǵat tarapynan jyly lebiz aıtyldy.

Alla Taǵala demeýshi jandardyń árbir saýapty amalyn qabyl etip, shákirtterdiń ilimine bereke, jas jetkinshekterdiń bolashaǵyna nur jaýdyrsyn! Jaqsylyqta jarysatyndar kóbeıe bergeı!

Источник: Aidos