«SÁDÝAQAS QAJY ǴYLMANI» MEShITI BALALARǴA QÝANYSh SYILADY (FOTO)

«Sádýaqas qajy Ǵylmanı» meshiti 1 maýsym – balalardy qorǵaý kúni merekesine oraı búldirshinderge erekshe qýanysh syılady.

Meshit bas ımamy Rýslan Baızaqovtyń bastaýymen jáne meshit ujymynyń qoldaýymen Áıel-qyzdar sektory syrqaty bar búldirshinderge arnalǵan arnaıy baǵdarlama uıymdastyrdy.

Atalǵan sharany meshittiń ustazy Erasyl Jaıyrov Quran aıattary jáne hadıs-sharıftermen bastap berdi. Sharaǵa Astana qalasy boıynsha «Zeket jáne qaıyrymdylyq» baǵytynyń jaýapty mamany Nurbol Orazbaı qonaq bolyp qatysyp, erekshe balalardy tárbıelep otyrǵan 30 ata-anany azyq-túlik qorjynymen qýantty.

Sondaı-aq, anımatorlardyń kómegimen ártúrli kóńildi oıyndar oınatylyp, barsha qatysýshylarǵa merekelik dastarhan jaıyldy. Kelgen ata-analar meshit ujymyna osyndaı este qalar mereke úshin zor alǵystaryn bildirdi.