«RAISA ANA»: «QURANMEN NURLANǴAN JÚREKTER» ATTY RÝHANI KESh ÓTTI (FOTO)

«Raısa ana» meshitiniń Áıel-qyzdar sektorynyń uıymdastyrýymen «Quranmen nurlanǵan júrekter» atty rýhanı kesh ótti.

Is-sharanyń negizgi maqsaty – Quran Kárimniń mán-mańyzyn nasıhattap, onyń rýhanı qundylyǵyn júrekterge jetkizý. Sonymen qatar, Quran oqýdaǵy tabandylyq pen ynta-jigerdi arttyrýǵa basa nazar aýdaryldy.

Kesh barysynda kórermenderge rýhanı serpin syılaǵan túrli mazmundaǵy baǵdarlamalar usynyldy. Ustazdar júrekke jetetin áserli ýaǵyz-nasıhattar aıtyp, kórermenderge tereń oı qaldyrdy. Sonymen qatar, áserli kúıler men kóńildi sergitetin dinı oıyndar uıymdastyrylyp, keshke qatysýshylarǵa erekshe rýhanı áser syılady.

Sondaı-aq, saýat ashý kýrsynda bilim alyp, Quranǵa túsken shákirtterimizge arnaıy sertıfıkattar men Quran kitaptary tabystalyp, olardyń qurmetine táj kııý rásimi ótkizildi. Bul – jas shákirtterdiń rýhanı álemge jasaǵan alǵashqy qadamyna berilgen shabyt pen qoldaý.

Источник: Aidos