QMDB JANYNAN «QARILAR ALQASY» QURYLDY

Búgin Qazaqstan musylmandary dinı basqarmasy janynan «Qarılar alqasy» quryldy.

QMDB Tóraǵasy, Bas múftı Naýryzbaı qajy Taǵanulynyń tóraǵalyǵymen ótken alqa jumysyna elimizge belgili ǵalymdar men qarılar, atap aıtqanda, Sadýaqas Oljabaev, Kamıljan Sadykov, Tólebı Ospan, Danııar Jumabaev, Erkinbek Shoqaı, Ersin Ámire, Jumanazar Sadyrhanov, Shoqan Ýalıev jáne t.b qarılar qatysty.

Basqosýda qatysýshylar QMDB janyndaǵy «Qarılar alqasy» erejesimen tanysyp, aldaǵy kezeńge josparlanǵan is-sharalardyń mazmuny men maqsatyn naqtylady.

«Quran – týra joldyń aıqyn nury, adamzatty ımanǵa, izgilik pen ádiletke jeteleıtin Uly Kitap. Al ony jattap, júregimen qabyldap, ómirimen nasıhattap júrgen qarılar – úmmetimizdiń shamshyraǵy, amanat arqalaýshy tulǵalar», – dep atap ótti Bas múftı.

​