QMDB TÓRAǴASY FINLIaNDIIa ARHIEPISKOPYMEN KEZDESTI

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Fınlıandııa Respýblıkasyna barǵan saparynda osy eldiń arhıepıskopy Tapıo Iýhanı Lýomamen kezdesti.

Kezdesý barysynda taraptar qoǵamnyń turaqtylyǵy men adamzattyń ortaq qundylyqtaryn qorǵaýdyń ózektiligin sóz etti. Bas múftı dinaralyq dostyq pen kelisimdi nyǵaıtý baǵytynda Astana qalasynda ár úsh jyl saıyn ótetin Álemdik jáne dástúrli din lıderleri seziniń rólin aıryqsha atap ótti.

Óz kezeginde arhıepıskop atalǵan halyqaralyq sezd halyqtar men mádenıetterdi jaqyndastyratyn mańyzdy alań dep baǵalap, Qazaqstannyń osy baǵyttaǵy tájirıbesin qoldaıtynyn jetkizdi.

Basqosý barysynda Bas múftı men arhıepıskop qazirgi álemdik saıası ahýal kezinde halyqtardy sabyr men ózara túsinistikke úndeýdiń mańyzyn tilge tıek etti.

​