QMDB-NYŃ 35 JYLDYǴYNA ORAI DIN QYZMETKERLERI MARAPATTALDY

Astana qalasynda Qazaqstan musylmandary dinı basqarmasynyń uıymdastyrýymen ótken «Qazaq dalasyndaǵy dástúrli ıslam qundylyqtary» VI Respýblıkalyq ımamdar forýmy aıasynda birqatar din qyzmetkerleri QMDB-nyń 35 jyldyq mereıtoılyq medalimen marapattaldy.

Atalmysh marapat Qazaqstan musylmandary dinı basqarmasynyń negizi qalanǵanyna 35 jyl tolýyna oraı, el ishinde din men dástúr sabaqtastyǵyn dáriptep, halyqqa dinı-aǵartý baǵytynda aıanbaı qyzmet etip júrgen ımam-moldalarǵa kórsetilgen qurmettiń belgisi retinde tabystaldy.

Saltanatty rásim barysynda Bas múftı Naýryzbaı qajy Taǵanuly marapat ıelerine alǵys aıtyp, olardyń el ishindegi rýhanı turaqtylyqty saqtaýǵa, dinı saýattylyqty arttyrýǵa qosqan úlesin erekshe atap ótti.

Marapattalǵan din qyzmetkerleri QMDB júktegen jaýapty mindetterdi abyroımen atqarýǵa ári qaraı da úles qosýǵa daıyn ekenderin jetkizdi.

​