QAZAQSTAN QAJYLARY QASIETTI MEKENGE TOLYQ JETTI (FOTO)

Qazaqstan qajylary tolyǵymen qasıetti Mekke men Mədına qalalaryna aman-esen jetti. Qajylar mingen sońǵy reıs búgin Mádına qalasyna kelip qondy.

QMDB Qajylyq bóliminiń meńgerýshisi Jándillá Bekjigitovtiń aıtýynsha, otandastarymyzdy elimizdiń «Air Astana», «Scat» jáne Saýd Arabııasynyń «Flynas», Kýveıt memleketiniń «Jazeera» áýekompanııasy tasymaldap, 24-31 mamyr aralyǵynda 22 reıs oryndady. Qajylar Astana, Almaty, Shymkent, sondaı-aq Túrkistan men Aqtaý qalalary arqyly qasıetti mekenge ushyp keldi.

Qazirgi tańda qazaqstandyq qajylar tolyǵymen qonaqúılerge ornalasty. Olarǵa otandyq 15 qajylyq kompanııasy qyzmet kórsetýde. Naıb múftı Kenjetaı Baıkemeluly bastaǵan Qazaqstan qajylyq mıssııasynyń ókilderi atalǵan kompanııalardyń qyzmetin tekserý-qadaǵalaý jumystaryna kirisip ketti.

Osy ýaqytta otandastarymyz kishi qajylyǵyn ótep, úlken qajylyqqa daıyndalýda. Múftııat bekitken 15 ımam ýaǵyz-nasıhat júrgizip, QMDB Sharıǵat jáne pátýa bóliminiń mamany Baýyrjan Ábdýáli qajylardyń suraqtaryna jaýap berip otyr.

​