«KÓKTAL»MEShITINDE SAIaSI QÝǴYN-SÚRGIN JÁNE AShARShYLYQ QURBANDARYNA QURAN HATYM BAǴYShTALDY (FOTO)

Astana qalasy ókildigine qarasty «Kóktal» meshitinde saıası qýǵyn-súrgin jáne asharshylyq qurbandaryn eske alý sharasy ótti. Qaıǵyly jyldarda jazyqsyz japa shekken azamattardyń rýhyna arnalyp Quran hatym duǵasy jasaldy.

Meshit qyzmetkerleri men jamaǵaty qatysqan rýhanı is-shara – tarıhymyzdyń eń aýyr kezeńderinde qaza tapqan halqymyzdyń ardaqty azamattaryna taǵzym etýdiń belgisi retinde ótkizildi. Ótken babalarymyzdyń rýhyna Alladan jarylqaý tilep, elimizdiń amandyǵy men birligi úshin tilek bildirildi.

Aıta keteıik, bul shara – jyl saıyn Qazaqstan musylmandary dinı basqarmasynyń bastamasymen respýblıkanyń barlyq óńirindegi meshitterde atalyp ótedi. Maqsat – ótkendi umytpaı, el basyna túsken zulmat jyldardy eske alý, sol kezeńniń qurbandaryn rýhanı turǵyda ulyqtaý.