«IMANI JAZ – 2025»: ShÁKIRTTER OLIMPIADA ChEMPIONYMEN KEZDESIP, SUHBATTASTY (FOTO)

Astana qalasyndaǵy «Áziret Sultan» meshitinde ótip jatqan «Imanı jaz – 2025» jazǵy saýat ashý kýrsynyń shákirtteri olımpıada júldegeri, el maqtanyshy Qamshybek Qońqabaevpen júzdesip, suhbat qurdy.

Kezdesýdi júrgizgen «Áziret Sultan» meshitiniń naıb ımamy Abdýlahad Smanov balalar men qonaq arasyndaǵy dıalogqa dáneker boldy. Suhbat barysynda sportshy eńbek joly týraly qysqasha baıandap, balalarǵa ómirlik azyq bolar aqyl-keńesterin aıtty. Balalar da sońynan ózderin qyzyqtyrǵan saýaldaryn joldap, tushymdy jaýaptar aldy.

Aıty ketsek, Qamshybek Qońqabaev — Qazaqstannyń belgili boksshysy, halyqaralyq dárejedegi sport sheberi. Ol 2020 jyly Japonııanyń Tokıo qalasynda ótken XXXII jazǵy Olımpıada oıyndarynda +91 kg aýyr salmaq dárejesinde qola medal jeńip alyp, elimizdiń abyroıyn asqaqtatty.

Qamshybek 1991 jyly 18 qarashada Qyzylorda oblysynda dúnıege kelgen. Balalyq shaǵynan sportqa jaqyn bolyp, bokspen erte jastan aınalysa bastaǵan. Onyń boıyndaǵy eńbekqorlyq, tózimdilik pen patrıottyq sezim ony bıik jetistikterge jetkizdi.

Ol tek Olımpıadada ǵana emes, álem chempıonattarynda da birneshe márte júldeli oryn alǵan. Mysaly, 2017 jáne 2019 jyldary bokstan álem chempıonatynyń kúmis júldegeri atandy.