BAS MÚFTI VI RESPÝBLIKALYQ IMAMDAR FORÝMYNDA BAIaNDAMA JASADY
Búgin Astana qalasynda Qazaqstan musylmandary dinı basqarmasynyń uıymdastyrýymen «Qazaq dalasyndaǵy dástúrli ıslam qundylyqtary» VI Respýblıkalyq ımamdar forýmynda QMDB Tóraǵasy, Bas múftı Naýryzbaı qajy Taǵanuly baıandama jasady.
«Islam – qoǵamdyq kelisim men tatýlyqtyń kepili. «Musylman – musylmanǵa baýyr» degen qaǵıda qazaq dalasynda ult pen ulysty bir shańyraq astynda uıystyrýǵa qyzmet etti. Imanı baýyrlastyqty basty ustanymǵa aınaldyrǵan dana halqymyz, árdaıym birlikti tý etip ustady.
Qazaq dalasyndaǵy dástúrli Islam qundylyqtary – ult rýhanııatynyń altyn qazyǵy. Bul qundylyqtar – tek ótkenniń emes, búgin men bolashaqtyń da temirqazyǵy. Endeshe, rýhanı muramyzdy jańǵyrtyp, din men dástúrdiń jarasymyn saqtaý – barshamyzdyń ortaq boryshymyz» dedi QMDB Tóraǵasy.
