«ÁZIRET SULTAN» MEShITINIŃ NAIB IMAMY DÓŃGELEK ÚSTELGE QATYSTY (FOTO)
Astana qalasy Din isteri jónindegi basqarmasynyń qoldaýymen, «QAMQOR-ASTANA» qoǵamdyq qorynyń uıymdastyrýymen din birlestikteriniń basshylary men olardyń jastar qanatynyń qatysýymen «Zań jáne tártip: qoǵamdyq turaqtylyqtyń kepili» taqyrybynda dóńgelek ústel ótti.
Astana qalasynyń Din isteri basqarmasynyń basshysy Qaırolla Dúıseshuly, QR MSM Din isteri komıtetiniń basqarma basshysy Dolıev Japal Amzebekuly bastaǵan jıynǵa «Áziret Sultan» meshitiniń naıb ımamy Jumanazar Óserhanuly da dinı birlestikterdiń basshylary qatarynda qatysyp qaıtty.
Is-shara barysynda dinı qyzmet salasyndaǵy zańnamalyq talaptar túsindirilip, quqyqtyq tártipti nyǵaıtýda dinı qaýymdastyqtar men jastar bastamalarynyń róli, ózara qurmet, tózimdilik pen azamattyq jaýapkershilik qundylyqtaryn ilgeriletý máseleleri talqylandy.
Dóńgelek ústel aıasynda dinı uıymdardyń memlekettik qurylymdarmen jáne azamattyq qoǵammen ózara is-qımyly jónindegi tájirıbelermen almasý, qoǵamdyq turaqtylyqty qamtamasyz etý kontekstindegi dinı birlestikter qyzmetiniń quqyqtyq negizderin, zańǵa baǵyný mádenıetin qalyptastyrý men Ekstremızmniń aldyn alýdaǵy jastardyń rólin, konfessııaaralyq dıalog pen yntymaqtastyqty nyǵaıtý arqyly qoǵamdyq qatynastardy úılestirý máseleleri qarastyryldy.
