«ÁZIRET SULTAN» MEShITINIŃ NAIB IMAMY BASPASÓZ KONFERENTsIIaSYNA QATYSTY (FOTO)

Astanada aldaǵy Qurban aıt merekesine oraı baspasóz konferentsııasy ótti. Oǵan «Astana qalasy Din isteri jónindegi basqarmasy» MM basshysynyń mindetin atqarýshy Basır Sultanbeıbars Asanuly, Astana qalasynyń bas memlekettik sanıtarlyq dárigeri Shaǵaltaeva Aıgúl Qoshmuhambetqyzy jáne «Áziret Sultan» meshitiniń naıb ımamy Jumanazar Sadyrhanov qatysty.

Jıynda Jumanazar Óserhanuly qurbandyqqa shalynatyn mal túrleri, qurbandyq malyna qoıylatyn negizgi talaptar, ettiń úlestirilý tártibi syndy málimetterdi qamtyp ótti: «Qurban aıt – musylman jurtshylyǵy úshin ulyq merekelerdiń biri. Bul kúnderi shamasy kelgen árbir musylman qurban shalyp, Allanyń razylyǵyna bólenýge tyrysady. Qurbandyqqa shalynatyn mal túrleri: qoı, eshki – bir adamnyń atynan shalynady. Sıyr men túıe – jeti adamǵa deıin ortaq shalýǵa bolady. Al, malǵa qoıylatyn negizgi talaptar: saý, kemshiliksiz bolýy tıis (kózi soqyr, qulaǵy nemese quıryǵy kesilgen, aýrý t.b. bolmaýy kerek). Qoı men eshki – keminde 1 jasta, sıyr – 2 jasta, túıe – 5 jasta bolýy qajet. Ettiń úlestirilý tártibi: 1/3 – óz otbasyna, 1/3 – týys, kórshi, dos-jaranǵa, 1/3 – muqtaj jandarǵa beriledi».

Al, Astana qalasy sanıtarııalyq-Epıdemıologııalyq baqylaý departamenti basshysynyń orynbasary Janna Qydyrbaıqyzy Qurban aıt kúni mal soıý kezinde ınfektsııalyq jáne parazıtarlyq aýrýlardyń taralý qaýpi joǵary ekenin atap ótti. Sol sebepti jeke gıgıena talaptary qatań saqtalýy tıis ekenin jetkizdi.

Aıta ketsek, Astanada Qurban aıt merekesi 2025 jylǵy 6–8 maýsym kúnderi atalyp ótedi. 6 maýsymda tańǵy saǵat 6:00-de barlyq meshitterde Aıt namazy oqylady. Qurbandyq shalý rásimi saǵat 8:00-den 18:00-ge deıin arnaıy belgilengen oryndarda ótedi.

Bıyl elordada 6 mal soıý orny bekitildi. Olar: «Jaılaý», «Barakat», «Shanhaı», «Shopan ata», «Et han», «Shaýshen» sharýa qojalyǵy — Alash tas joly, 136B  mal bazary.