«ÁZIRET SULTAN» MEShITINDE JAZǴY SAÝAT AShÝ KÝRSY BASTALDY (FOTO)

Búgin «Áziret Sultan» meshitinde balalarǵa arnalǵan dástúrli «Imanı jaz-2025» jazǵy saýat ashý kýrsynyń ashylý rásimi ótti.

Quran aıattarymen bastalǵan is-sharanyń ashylý saltanatynda meshit ımamdary búldirshinderdi jazǵy demalystyń bastalýymen quttyqtap, aqjarma tilekterin bildirdi. Atalmysh kýrstyń mańyzdylyǵyna toqtalyp, balalar bul jerden dinı bilimmen qatar, ádep pen tárbıe, salt-dástúr sabaqtary jáne tanymdyq oıyndar arqyly jan-jaqty damýǵa múmkindik alatynyn atap ótti. Sondaı-aq, ata-analar men qatysýshylarǵa kýrs baǵdarlamasy tanystyrylyp, arnaıy daıyndalǵan «Imandylyq álippesi» kitapshalary tabys etildi.

Aıta keteıik, bıylǵy jyly «Áziret Sultan» meshitindegi jazǵy saýat ashý kýrsyna 500-den astam oqýshy qabyldandy. Balalar kún saıyn úsh saǵat kóleminde meshitte bilim alady.

Sýretterdi «FOTOGALEREIa» aıdarynan kóre alasyzdar!