«ÁZIRET SULTAN» MEShITINDE JAMAǴATQA «MUFTYAT» BASPASYNYŃ KITAPTARY TANYSTYRYLDY (FOTO)

«Áziret Sultan» meshitinde jamaǵatqa «MUFTYAT» baspasynan jaryq kórgen kitaptar tanystyryldy.

Atap aıtqanda, oqyrman nazaryna usynylǵan eńbekter qatarynda «Din men dástúr» úshinshi tomy, «Babalar izimen: Qazaq dalasyndaǵy musylmandyq mektep» jáne «Ihsan – rýhanı tárbıe negizi» atty eńbekter bar.

Is-shara barysynda meshittiń naıb ımamy Ábdýlahad Smanov jamaǵatqa kitaptardyń mazmunyn tanystyryp, olardyń tárbıelik, tarıhı jáne rýhanı mańyzdylyǵyna keńinen toqtaldy. Bul eńbekter halqymyzdyń dinı bolmysy men salt-dástúrin sabaqtastyra túsinýge sep bolatynyn aıtyp ótti.

Jıynǵa qatysqan jamaǵat tarapynan kitaptarǵa erekshe qyzyǵýshylyq tanytylyp, mazmuny jaıly túrli suraqtar qoıyldy. Óz kezeginde meshit ujymy kitaptardy keńinen nasıhattap, árbir musylmannyń rýhanı damýyna úles qosatynyn jetkizdi.

Aıta keteıik, QMDB Tóraǵasy, Bas múftı Naýryzbaı qajy Taǵanulynyń basshylyǵymen «MUFTYAT» baspasynan kóptegen rýhanı tanymdyq baǵyttaǵy dinı ádebıetter jaryq kórip keledi. Bul eńbekter ata dinimiz ben dástúrimizdiń rýhanı qundylyqtaryn nasıhattaýǵa baǵyttalǵan.

Источник: Aidos