«Áziret Sultan» meshitinde shákirtterge arnalǵan ınteraktıvti taqta ýaqyp etildi

«Áziret Sultan»​ meshiti janyndaǵy dáris zalyna zamanaýı ınteraktıvti taqta ýaqyp etildi. Bul ıgi is meshit shákirtteriniń bilim sapasyn arttyryp, sabaq úderisin jańa deńgeıge kóterýge baǵyttalǵan.

Jańa qural dáris barysynda kórnekilikti kúsheıtip, shákirtterdiń taqyrypty tereń ári jeńil meńgerýine múmkindik beredi. Interaktıvti taqta arqyly ustazdar dinı ilimderdi túsindirýde beınematerıaldar men syzbalardy keńinen qoldana alady. Bul óz kezeginde bilim alýshylardyń qyzyǵýshylyǵyn arttyryp, sabaqqa degen yntasyn kúsheıtedi.

Meshit ujymy atalǵan ıgi iske úles qosqan azamatqa rızashlyǵyn aıtyp, bilim berý isine kórsetilgen qoldaýǵa alǵys bildirdi.

Ýaqyp – ıslam dástúrinde ıgilikke baǵyttalǵan qaıyrymdylyqtyń bir túri. Iaǵnı, adam óz múlkin nemese qarjysyn qoǵam ıgiligi úshin turaqty túrde paıdalanýǵa arnaıdy. Ýaqypqa berilgen dúnıe satylmaıdy, muraǵa qaldyrylmaıdy, ol tek halyqtyń ıgiligine qyzmet etip, úzdiksiz saýapqa keneltedi.