«ÁZIRET SULTAN» MEShITINDE SAIaSI QÝǴYN-SÚRGIN JÁNE AShARShYLYQ QURBANDARYNA QURAN BAǴYShTALDY (FOTO)

31 mamyr – Saıası qýǵyn-súrgin jáne Asharshylyq qurbandaryn eske alý kúnine oraı Astana qalasyndaǵy «Áziret Sultan» meshitinde babalar rýhyna Quran baǵyshtalyp, duǵa jasaldy.

Qasıetti juma kúni meshitke jıylǵan jamaǵat tarıhı zulmat jyldary jazyqsyz japa shekken ata-babalardy eske alyp, olardyń rýhyna taǵzym etti. Quran hatym men arnaıy duǵa rásimin meshit ımamdary ótkizdi.

Bul shara – el basynan ótken aýyr kezeńderdiń umytylmaýy men keleshek urpaqtyń sanasynda tarıhı jadynyń saqtalýyna baǵyttalǵan rýhanı ıgi bastama retinde uıymdastyryldy.

Aıta keteıik, elimizde 31 mamyr – Saıası qýǵyn-súrgin jáne asharshylyq qurbandaryn eske alý kúni retinde belgilengen. Bul kún – HH ǵasyrdyń alǵashqy jartysynda oryn alǵan jappaı saıası qýǵyn-súrgin men 1920–1930 jyldardaǵy asharshylyq qurbandaryn eske alýǵa arnalǵan. Keńestik júıe tusynda mıllıondaǵan adam jazyqsyz qýdalanyp, túrmege qamaldy, atyldy nemese jer aýdaryldy. Asharshylyq saldarynan halyqtyń úshten biri ómirden ótti. Bul – ótkenniń zulmatyn umytpaı, sabaq alý úshin belgilengen tarıhı mańyzdy kún.

Источник: Aidos