«ÁZIRET SULTAN» MEShITINDE QUDAIY AS BERÝDEGI YSYRAP MÁSELESINE ARNALǴAN KITAPShA TANYSTYRYLDY (FOTO)

Astana qalasyndaǵy «Áziret Sultan» meshitinde jamaǵatqa «Qudaıy as berýde ysyrapqa jol bermeý (tártibi men máziri)» atty ádistemelik kitapsha tanystyryldy.

Qazaqstan musylmandary dinı basqarmasynyń uıytqy bolýymen shyqqan kitapshada as berý rásimderinde sharıǵat talaptaryna saı áreket etý, ysyraptan aýlaq bolý, qarapaıymdyq pen izgilikti ustaný jónindegi naqty usynystar men mázir úlgileri berilgen.

Jıyn barysynda «Áziret Sultan» meshitiniń naıb ımamy Mahmut Qasym kitapshanyń mazmunyna toqtalyp, búgingi qoǵamda keń etek alǵan ysyrapshyldyqtyń rýhanı ári áleýmettik zııandaryna nazar aýdardy. Qudaıy asty shamaǵa qaraı berý, mal shashpaý, maqtan úshin básekelestikke barmaý – Islamdaǵy negizgi qaǵıdalardyń biri ekenin atap ótti.

Jıynǵa qatysqan jamaǵat aıtylǵan qundy málimetterdi yqylaspen qabyldap, bul bastamanyń qoǵamdaǵy dinı sana men mádenıetti arttyrýda mańyzy zor ekenin aıtty. Sondaı-aq, kitapshanyń elimizdiń ár óńirinde taralyp, as berý mádenıetin júıeleýge úles qosatynyna senim bildirildi.

Tanystyrylym sońynda jamaǵatqa kitapshanyń birneshe danasy taratylyp, meshitke kelgen árbir kisige qoljetimdi bolatyndaı jaǵdaı jasaldy.