«Áziret Sultan» meshitinde áıel shákirtterge arnalǵan ınteraktıvti taqta ýaqyp etildi

«Áziret Sultan» meshitinde áıel shákirtterge arnalǵan dáris zalyna zamanaýı ınteraktıvti taqta ýaqyp etildi. Bul ıgi is meshittegi qyz-kelinshek shákirtterdiń bilim sapasyn arttyryp, sabaq úderisin jańa deńgeıge kóterýge baǵyttalǵan.

Jańa qural dáris barysynda kórnekilikti kúsheıtip, shákirtterdiń taqyrypty tereń ári jeńil meńgerýine múmkindik beredi. Interaktıvti taqta arqyly ustazdar dinı ilimderdi túsindirýde beınematerıaldar men syzbalardy keńinen qoldana alady.

Bul óz kezeginde bilim alýshylardyń qyzyǵýshylyǵyn arttyryp, sabaqqa degen yntasyn kúsheıtedi. Meshit ujymy atalǵan ıgi iske úles qosqan azamatqa rızashylyǵyn aıtyp, áıel shákirtterdiń bilim alýyna kórsetilgen qoldaý úshin alǵys bildirdi. Ýaqyp – ıslam dástúrinde ıgilikke baǵyttalǵan qaıyrymdylyqtyń bir túri. Iaǵnı, adam óz múlkin nemese qarjysyn qoǵam ıgiligi úshin turaqty túrde paıdalanýǵa arnaıdy. Ýaqypqa berilgen dúnıe satylmaıdy, muraǵa qaldyrylmaıdy, ol tek halyqtyń ıgiligine qyzmet etip, úzdiksiz saýapqa keneltedi.