ASTANADA III RESPÝBLIKALYQ MUSYLMAN ÁIELDERINIŃ SÁN KIIMI BAIQAÝYNA IRIKTEÝ ÓTTI (FOTO)

Astana qalasy ókildigi Áıel-qyzdar sektorynyń uıymdastyrýymen III Respýblıkalyq musylman áıelderiniń sán kıimi baıqaýyna arnalǵan irikteý kezeńi ótti.

Is-sharaǵa Astana qalasy Áıel-qyzdar sektorynyń jetekshisi Kúlsara Beket bastaǵan elordalyq áıel ustazdar men shákirtter qaýymy qatysty. Sondaı-aq qazylar alqasynda tórelik etken dızaıner, «I’m Different» brendiniń negizin qalaýshy, Parıj, Amsterdam, Mılan qalalarynda sán áleminde óner kórsetken, sán dızaıny boıynsha gran-prı ıegeri Zarına Aqsholaqova, qyz-kelinshekterge arnalǵan otandyq ónim «Amirdan» brendiniń negizin qalaýshy, dızaıner Uldana Dáýletbekqyzy jáne ıslamtanýshy, teolog Ásel Dúısebekqyzy qatysýshylardyń ádil baǵasyn berip otyrdy.

Bul baıqaýdyń basty maqsaty – ulttyq dástúr men sharıǵat talaptaryna saı kıim úlgilerin nasıhattaý, sondaı-aq musylman qyz-kelinshekteriniń shyǵarmashylyǵy men talǵamyn arttyrý.

Irikteý barysynda sán úlgileriniń Estetıkasy, kıimderdiń sharıǵat normalaryna sáıkestigi jáne dızaınerlik sheshimder basty nazarda boldy. Qatysýshylar hıdjab kıimderiniń zamanaýı úlgilerin usynyp, kórermenderdiń ystyq yqylasyna bólendi.

Shara sońynda úzdik shyqqan qatysýshylar aldaǵy ýaqytta ótetin respýblıkalyq kezeńge joldama aldy. Sondaı-aq I orynǵa 200 000 teńge, II orynǵa 150 000 teńge, III orynǵa 100 000 teńge kóleminde syıaqy berildi.

 Sýretterdi «FOTOGALEREIa» aıdarynan kóre alasyzdar!

Источник: Aidos