ASTANA QALASYNYŃ JASTAR ISI SEKTORY BALALARǴA QÝANYSh SYILADY (FOTO)

Astana qalasy ókildigi Jastar isi sektorynyń uıymdastyrýymen Astana qalasy ákimdiginiń «№3 arnaıy mektep» kommýnaldyq memlekettik mekemesinde 1-maýsym Halyqaralyq balalar kúnine oraı merekelik is-shara uıymdastyrdy.

Oǵan QMDB Jastar isi sektorynyń meńgerýshisi Baǵyjan Erbolatuly, Astana qalasy Jastar isi sektorynyń jetekshisi Rahymjan Joldas, mekeme dırektory Gúldana Toqtarqyzy jáne oqýshylar, ata-analar, tárbıeshiler men Astana qalasy ókildigi meshitterindegi jastar isine jaýapty mamandar qatysty.

Sektor meńgerýshisi Baǵyjan Erbolatuly oqýshylardy merekemen quttyqtaı otyryp, QMDB tóraǵasy, Bas múftı Naýryzbaı qajy Taǵanulynyń ystyq sálemin jetkizdi. Sondaı-aq, dinı basqarma árqashan balalarǵa qoldaý bildirip, merekelerden tys ýaqytta da olardy nazardan tys qaldyrmaıtynyn jetkizdi.

Astana qalasy Jastar isi sektorynyń jetekshisi Rahymjan Talǵatuly da óziniń jyly lebizin bildire otyryp, jastarǵa árdaıym qoldaý kórsetiletinin jetkizdi. Sonymen qatar aldaǵy ýaqytta ortaq jobalar aıasynda birlesip qyzmet etýge shaqyrdy.

Merekelik keshte arnaıy ázirlengen kontserttik baǵdarlama aıasynda dombyramen kúı kúmbirlep, án shyrqaldy. Balalarǵa tegin shashtaraz qyzmeti usynylyp, artynsha syılyqtar taratyldy. Mekeme basshysy Gúldana Toqtarqyzy Jastar isi sektoryna jáne onyń múshelerine zor alǵys aıta otyryp, shynaıy rızashylyǵyn bildirdi.

Источник: Aidos