ASTANA IMAMDARYNA MEDIA SAÝATTYLYQ TAQYRYBYNDA SEMINAR ÓTTI (FOTO)

«Áziret Sultan» meshitinde Astana qalasynyń bas ımamy Erbolat Nuryldaulynyń basshylyǵymen elorda ımamdaryna medıa saýattylyq turǵysynda arnaıy semınar ótkizildi.

Semınardyń maqsaty – qazirgi aqparattyq keńistikte dinı qyzmetkerlerdiń medıamen jumys jasaý qabiletin arttyrý, jalǵan aqparattardan qorǵaný joldaryn túsindirý jáne dinı mazmundaǵy aqparatty durys taratý mádenıetin qalyptastyrý boldy.

Semınar barysynda qatysýshylarǵa aqparat quraldarymen jumys isteý, áleýmettik jelilerdegi Etıkalyq normalardy saqtaý, foto jáne vıdeo kontent daıyndaý joldary boıynsha naqty tájirıbelik keńester berildi.

Sonymen qatar, áleýmettik jelilerde dinı mazmundy saýatty túrde jarııalaý men shynaıy aqparatty jalǵan málimetten ajyrata bilý máseleleri de jan-jaqty talqylandy.