«AQ MESHIT» MEShITINE NAIB IMAM TAǴAIYNDALDY (FOTO)
Astana qalasy ókildigine qarasty «Aq meshit» meshitine jańa naıb ımam qyzmetine Salımbekov Omar Saıfýdınuly taǵaıyndaldy. Bul taǵaıyndaý Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń arnaıy buıryǵyna sáıkes júzege asty.
Juma namazyna jınalǵan jamaǵat aldynda Bas múftıdiń buıryǵyn «Áziret Sultan» meshitiniń naıb ımamy Tamırlan Darhanuly oqyp, jańa dinı qyzmetkerdi kópshilikke tanystyrdy.
Meshit jamaǵaty Omar Saıfýdınulyn yqylaspen qarsy alyp, izgi tilekterin jetkizdi. Jınalǵan qaýym el men din múddesi jolyndaǵy qyzmetine tabys tiledi. Ardager aqsaqaldar aq batasyn berip, meshit jumysy men rýhanı tárbıe baǵytyndaǵy isterine bereke tiledi.
Salımbekov Omar Saıfýdınuly — din salasynda eńbek etip kele jatqan tájirıbeli maman. Ol túrli dinı bilim ordalarynda tálim alyp, elimizdiń birneshe óńirinde ımamdyq qyzmet atqarǵan. Jastarmen jumys isteý, dinı saýat ashý jáne rýhanı qundylyqtardy nasıhattaý baǵytynda belsendi qyzmet atqarǵan.
