«ÁLJAN ANA» MEShITINE JAŃA IMAM TAǴAIYNDALDY (FOTO)

30 mamyr 2025 1335 0 Оqý rejımi

Astana qalasy ókildigine qarasty «Áljan ana» meshitine Altynbek Utyshanuly ımam bolyp taǵaıyndaldy.

Bul taǵaıyndaý Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń arnaıy buıryǵyna sáıkes júzege asty. Juma namazyna jınalǵan jamaǵat aldynda Bas múftıdiń buıryǵyn «Áziret Sultan» meshitiniń naıb ımamy Jumanazar Sadyrhanuly oqyp, jamaǵatty Altynbek Utyshanulynyń eńbek jolymen tanystyryp ótti.

Jamaǵat jańa ımamdy iltıpatpen qarsy alyp, qyzmetine sáttilik tiledi. El men din jolyndaǵy eńbegine bereke tilep, ıgi tilekterin arnady. Qurmetti aqsaqaldar aq batalaryn berip, meshittiń rýhanı jáne aǵartýshylyq baǵyttaǵy jumystaryna tolaıym tabys tiledi.

Altynbek Utyshanuly

18.09.1980 jyly dúnıege kelgen.

Bilimi men biliktiligi:

Aqmola oblysy Aqkól aýdany Qyna eldi mekeninde orta mektepti bitirgen.

1993-1996 jyldar aralyǵynda Aqmola oblysy, Sileti aýdanyndaǵy meshittiń janynan ashylǵan medresede dinı saýat ashý kýrsynda dáris alǵan.

2001-2005 jyldar aralyǵynda Almaty qalasyndaǵy «Nur-Múbárak» Egıpet Islam mádenıeti ýnıversıtetiniń «Islamtaný» mamandyǵy boıynsha támamdaǵan.

2005-2009 jyldar aralyǵynda Mysyr memleketindegi «Arab tili ortalyǵynda» jáne «Maǵhad alı lıddırasatıl ıslamııá» dep atalatyn oqý ornynda magıstrlik boıynsha dáris alǵan.

2013 jyly Almaty qalasyndaǵy «Nur-Múbárak» Egıpet Islam mádenıeti ýnıversıtetiniń «Islamtaný» mamandyǵy boıynsha magıstrlik dessertatsııa qorǵaǵan.

Eńbek joly:

1996-2001 jyldar aralyǵynda Aqmola oblysy, Aqkól aýdany, Iskra eldi mekenindegi meshitte ımamdyq qyzmet atqarǵan.

2003-2004 j.j. Almaty qalasyndaǵy Halıfa Altaı dinı ortalyǵynda ustaz.

2009-2011 j.j. Qazaqstan musylmandary dinı basqarmasynyń Ýaǵyz-nasıhat bóliminiń mamany bolyp jumys istegen.

2011-2012 jyldar aralyǵynda Ýaǵyz-nasıhat bóliminiń meńgerýshisiniń mindetin atqarýshy bolyp qyzmet atqardy.

2013-2016 j.j. Jalpy jáne jastar isi bóliminiń meńgerýshisi bolyp qyzmet atqardy.

2016-2019 j.j. Qazaqstan musylmandary dinı basqarmasy Nasıhat jáne qoǵammen baılanys bólimi, RANT jáne JANT, áıel-qyzdar sektory, jastar sektory, hıkmet telestýdııasynyń meńgerýshisi qyzmetin atqaryp keldi.

2019 jyldan búgingi kúnge deıin Atyraý oblysy boıynsha jáne Atyraý oblystyq ortalyq «Imanǵalı» meshitiniń Bas ımamy qyzmetin atqardy.

Jeke shyǵarmashyly:

5 dinı kitaptyń avtory:

1. «Imam álippesi»,

2. «Qajylyq jáne umra»,

3. «Kúndelikti dinı saýaldarǵa jaýap»,

4. «Jastar shamshyraǵy»,

5. «Islam jarastyra ma? Talastyra ma?».

Eki dinı kitapshanyń avtory: «Árbir musylman bilýge tıisti 100 suraq-jaýap», «Muhammed Allanyń elshisi»;

Dinı taqyryptaǵy maqalalary Respýblıkalyq gazet jýrnaldarda jaryq kórgen.

Otbasyly, perzentteri bar.