ÚILENÝ TOIY JAI ǴANA MEREKE EMES
Úılený toıy – tarıh boıynsha kez kelgen qoǵamda bar jáne neke qııýdy qoǵamǵa jarııalaý úshin oryndalatyn rásim. Adamzat tarıhyndaǵy eń kóne dástúr. Bul qazaqta tek toı ǵana emes, mádenı, dinı, áleýmettik jáne psıhologııalyq qabaty bar oqıǵa!Úılený toıy - qyz ben jigittiń otbasyna da, qoǵamyna da nekege turýyn resmı jarııalaýy. Sol arqyly erli-zaıyptylardyń áleýmettik statýsy zańdasady.
Osy statýs toılanady, ıaǵnı Uly Táńirden tilek úshin rásimdeledi jáne oıyn-saýyqpen jalǵasady. Bul erli-zaıyptylardyń da, olardyń otbasylarynyń da baqytyn bólisý múmkindigi. Erli-zaıyptylardyń nekesi eki áýletti de biriktiredi. Quda bolady, jekjat atanady. Bul da týystyq odaq. Úılený toıy osy odaqtyń nyshany, eki áýlet arasynda týystyq baılanys ornaıdy. Sonymen qatar, Úılený toıy ulttyń mádenı ereksheligin kórsetedi. Dástúrli úılený toılary sol qoǵamnyń qundylyqtaryn, nanym-senimderin, tarıhyn saqtaıdy. Bul rásimder jańa urpaqqa berilip, mádenıettiń sabaqtastyǵyn qamtamasyz etedi. Biraq bizdiń búgingi toı- qazaqtyń qazaqtyǵyn emes, dúbara mazaqtyǵyn pash etip keledi. Buǵan el bolyp toqtaý salýymyz shart! Kóptegen halyqta úılený toıynyń dinı máni bar. Musylman halqy úshin neke ol súnnet, al úılený Allanyń razylyǵyn alý, ǵıbadat degen sóz. Hrıstıandarda neke - Qudaı qoldaǵan odaq degen sóz. Úılený toıy erli-zaıyptylar úshin jańa ómir, jańa dáýir.
Úılený toıy jaı ǵana mereke emes, ol áleýmettik, mádenı jáne rýhanı fýnktsııalary bar mańyzdy rásim. Bul qoǵamnyń qundylyqtaryn, salt-dástúrleri men nanym-senimderin kórsetetin, adamdardyń bir-birine degen súıispenshiligi men birligin bildiretin shara. Ár qoǵamda toıǵa beriletin mán ár túrli bolǵanymen, negizinen barlyq toılar birlik pen yntymaqty ulyqtaýdy maqsat etedi. Sondyqtan toıga kóńil bólý kerek! Ol rásim, ol odaq, ol ǵıbadat, ol Táńirden tileý úshin týystardyń birigý qubylysy… al bizde she? Uqsamaıdy… Ótkende toıǵa barǵandaǵy oı túıin…
