QURBANDYQTYŃ TAZALYǴY JÁNE ETIN SAQTAÝ

Deni saý ekeni anyqtalǵan mal alý kerek. Maldy baýyzdaǵanda, terisin sypyrǵanda, jiliktegende, etin tasyǵanda, saqtaǵanda jáne pisirgende tazalyqqa óte-móte muqııat bolý qajet.

Ishek-qarny men etin aralastyryp qoımaý kerek.

Salqyn jerde baýyzdap, terisin sypyryp, bólshekteý kerek; qan, ishek, t.b. nárselerdi qalaı bolsa solaı laqtyrýǵa, aǵyn sýǵa tastaýǵa bolmaıdy.

Etti soıylǵan jyly kúıinde tońazytqyshqa, paketke nemese aýa kirmeıtindeı úlken kesegimen bir-biriniń ústine jıyp qoımaý kerek. Et salqyndaǵan soń tońazytqyshqa salyp 12 saǵat kútý qajet. Birden jemeıtin etti sóıtip qoıǵan soń, qajetti mólsherde muzdatqyshqa salyp nemese qýyryp saqtaǵan jón.

Et tońazytqyshta 2-3 kún, qıma bolsa, 1 kún shydaıdy. Eger odan kóp ýaqyt saqtalatyn bolsa, shaǵyn pakettermen tońazytqyshtyń muzdatqyshynda ustaý kerek.

Tońazytylǵan ettiń erýi úshin tońazytqyshtyń tómengi sórelerine qoıǵan durys, peshtiń, oshaqtyń ústine nemese bólme temperatýrasynda ustamaǵan jón.

Pisken etti jylylaı muzdatqyshqa salmaý kerek, bólme temperatýrasynda 2 saǵattan kóp ustamaǵan durys.

Shıki etti pisirerden buryn ne keıin qoldy jaqsylap jýyp, qurǵata súrtý qajet. Shıki etke arnalǵan pyshaq pen taqtaıshany jemis, kókónis úshin qoldanbaý kerek.