OQShAÝ OI

Bárimizge belgili. Musylman ataýlyǵa anyq: Alla bar. Jáne Ol jaratqan álem bar. Osy sebepti biz Ony — Jaratýshy Ie dep tanımyz.

 

Endi saýal: Biz Alla Taǵalany qalaı tanımyz?

Jaýap: Paıǵambarlar arqyly.

Taǵy bir saýal: Biz Allany qalaı joqqa shyǵaramyz?

Jaýap: Bilim arqyly.

 

Osy qarapaıym suraqtar men jaýaptardan-aq bilim ıesiniń kim ekendigin baǵamdaýǵa bolady.

 

Siz dúnıedegi eń aqymaq adamnyń kim ekenin bilesiz be?

Aıtpaý – qylmys. Sebebi, aýrýyn jasyrǵan óledi. Biz óldik.

Joq, aýrýymyzdy jasyrǵandyqtan emes,

Ony aýrý dep bilmegendikten.

Bul – júrek ólimi.

Júrek ólgen kezde adam men Allanyń arasyndaǵy baılanys úziledi.

Al ony úzgen – biz ıelik etken bilim.

 

Túsingenge – bul zulmat.

Sebebi dúnıedegi eń aqymaq – bir nárse biletinder.

Neǵurlym kóp bilgen saıyn olar aqıqattan alystaı túsedi.

Óıtkeni bul álemde aqıqat joq.

Al ony bar deıtinder – sol biletinder.

 

Qaıǵylysy – biz solardy ulyqtap kelemiz.

Bul – adam balasynyń eń úlken qateligi.

Óıtkeni biz sońyna túsken bilim – tek ataý ǵana.

Ol – bilim emes,

Ol – shaıtannyń tory.

 

Eger baıybyna barsaq, kez kelgen ilim, naqty aıtsaq, ǵylym – Allatanýǵa qyzmet etýi tıis.

Sebebi Odan ózge esh nárse joq.

Jaratylǵannan Jaratýshysyn tappaǵan,

tipti Ony joqqa shyǵarǵan ǵylym – ǵylym ba?

 

Biz dinsiz qoǵam – KSRO-nyń mektepterinde óstik.

Botanıka, fızıka, hımııa, matematıka, ana tili...

Bul pánder sol qalpy qazir de oqytylady.

Sol bilimder – adam bolmysyn qalyptastyrady.

Biz – sol qalypta boldyq.

Óskeleń urpaq ta sol.

 

Nege? Sebebi bul pánder ıman qalyptastyrmaıdy.

Sebebi ol bilimderde Alla joq.

Sonda ol qandaı bilim?

Baıybyna barsaq, ár pán, ár sala – Allany tanytatyn jol bolýy kerek edi.

Árbir ǵylym – Allatanýǵa qyzmet etýi kerek.

Solaı bolmaǵan ǵylym – shynaıy ǵylym emes.

Ol – adasqan adamnyń izsiz súrleýi.

 

Ózi zerttegen salasynan Allany kóre almaǵan ǵalym –

ǵalym emes.

Ǵylymǵa ómirin sarp etse de, aqıqatqa jetpegen adam –

izdegenin shaıtannyń oıynan tapqan adam.

Óıtkeni ol ilim emes,

ol – ıllıýzııa.

 

Keıde standartty oılaý júıesinen shyǵyp,

aǵyspen birge aǵa bermeı,

sýdyń qaıdan kelip, qaıda quıylyp jatqanyn oılaǵan abzal.

 

Bárimizge belgili, KSRO quramyna kirmeı turyp, biz "saýatsyz" edik.

Al KSRO – dinsiz qoǵam.

Biz ol qoǵamǵa bilim arqyly kirdik.

Ol bilim bizdi sol qoǵamnyń adamyna aınaldyrdy.

 

Sol jol – qanshama ultty joıdy.

Adam tabıǵı ulttyq tanymynan ajyrady.

Sol soqpaq qazir jahandanýǵa ulasty.

Ol da — sol bilimniń saldary.

Bilim – sol júıege qyzmet etýde.

 

Al onyń ıesi kim?

Ol – ortaq qazan.

Siz sol qazannyń ıesin bilesiz be?..

 

Sol ıege qyzmet etetin bilim – hýsýlı, ıaǵnı syrtqy, materıaldyq ilim.

Al adam tabıǵatyna tán – hýzýrı ilim.

Ol – júrekten.

Ol – bolmys arqyly tanylatyn.

 

Alla adamdy kemel kúıde jaratty.

Sondyqtan adam – oqý-bilimge muqtaj emes.

Oǵan tek – ózin tanysa bolǵany.

Qudııar BILÁL