NAMAZDA JÚREK TYNYShTYǴY

Rasýlýllah (s.a.ý.) bylaı deıdi: “Sóz joq, paryz namazdary tarazy sekildi; kimde-kim qaqysyn tolyq berse (tolyq oryndasa), qarymyn da tolyq alady”. (Qýzaǵı, Músnád ýsh-shıhab)

Imam Rabbanı (k.s.) bylaı degen: 

“Qurmetti baýyrym, sóz joq, myna dúnıe amal jeri. Amaldardyń qarymyn alatyn jer bolsa – aqyret. Salıqaly amal jasaý úshin qaırattaný kerek. Eń izgi amal men eń kórkem ǵıbadat dinniń tiregi jáne múminniń mártebesi namazdy kemel oqý.  Namazdy ýaqtyly oqý turǵysynda shyn yqylas tanytyp, óte yqtııatty bolý qajet. Tipten namazdyń rúkún, shart, súnnet jáne ádebiniń árbirin tıisti úlgide oryndaý kerek.” (Máktýbat Imam Rabbanı, 2-tom, 20-hat)  

“Sen bilip al, myna paqyrdyń (Imam Rabbanı) oıynsha, namazdyń tolyq ári kemel bolýy(osy tórt nárseni); namazdyń paryzyn, ýájibin, súnneti men mústahabyn oryndaýdan turady… Osy tórteýinen basqa namazdyń tolyq bolýyna áser etetin eshteńe joq. Óıtkeni namazda adal kóńil men júrektiń tynyshtyǵy osy tórt nársege baılanysty… 

Hadıste “Júrek tynshymaı namaz kemel oryndalmaıdy” deıdi. Bul jerde júrektiń tynshýyndaǵy maqsat; namazdyń paryzyn, ýájibin, súnneti men mústahabyn oryndaýda selqostyq bolmaý úshin, júrek tynyshtyǵynyń solarmen qatar bolýy. Bul paqyrdyń oıyna odan basqa eshteńe kelmeıdi”. (Máktýbat Imam Rabbanı, 1-tom, 305-hat)