IDEALDY IZDEÝ JOLYNDA...

      Ómir boıy úılenbegen bir adam, jasy toqsanǵa kelip, fánıden baqıǵa attanaıyn dep jatqanynda, bir kisi odan:

      -Ómir boıy otbasy qurmadyńyz, nege ekenin aıtpadyńyz. Endi myna bir aıaǵyńyz osynda, ekinshi aıaǵyńyz sonda turǵan ýaqytta jaýabyn múmkin aıtarsyz,-dedi. Qandaı da bir qupııańyz bolsa – ashyńyz endi ony, munda eshkimniń máńgilik bolmaıtyny belgili. Tipti jurt sol qupııańyzdy bilip qoısa da, sizge endi eshqandaı zııany tıe qoımas.

      Aqsaqal:

-Iá, bir qupııam bar. Negizi men otbasy qurýdan qashqan emespin, biraq ıdealdy áıel izdegen bolatynmyn. Sóıtip ómir boıy izdenip júrgenimde ómir shirkin ótip ketipti ǵoı.

    -Keshirińiz, jeti sharym mıllıardtan asa halyq turatyn, onyń jartysy áıelder, jer sharyndaı alyp áleýmette, eń bolmasa bir ıdealdy áıel tappadyńyz ba sonda?

      Ólim aldyndaǵy qarııanyń kózinen jas parlap ketti. Ol kisi:

      -Joq, obaly ne kerek, taptym ǵoı bir áıeldi.

      Surap turǵan kisi sasqalaqtap qaldy.

      -Onda nege sol áıelge úılenbedińiz?

      Sonda aqsaqal:

      -Ol áıel de ıdealdy erkek izdep júr eken...

Mahabbat jaıly hıkaıalar

aýdarǵan Júrsin Kárim